نعمان لحلو: رفضت الحصول على "كريمة"، وأدعو الفنانين أصحاب "الكريمات" إلى إرجاعها

وقال نعمان لحلو الذي حل ضيفا على برنامج في قفص الاتهام، الذي تبثه إذاعة "ميد راديو"، يوم الجمعة الماضي، "اللي ما محتاجش وعندو رخصة ريعية وما ماحتاجهاش وعندو مدخول، غادي يكون جميل منك ولوطنك ترجعها".

كما أكد الفنان المغربي أن واليا سابقا للعاصمة العلمية للمملكة عرض عليه التوسط له للحصول على "كريمة"، لكنه رفض، وقال "تعرضات علي كريمة مرة وجوج وما بغيتش ناخدها، وعرضو علي نقدم طلب وقالها لي والي حيت بزاف ديال الفنانين عندهم، ولكن أنا باغي غير باش نعيش عادي، وأنا ما محتاجش.. أنا ضد أي فنان عندو كريمة". وأضاف "بالفن ديالي أنا واكل شارب ناعس كاري، وكان بإمكاني يكون عندي عمارات، ولكن فضلت نستثمر في الفيديو كلبيات والفن ديالي، حيت يلا ما استثمرتش في الفن ديالي ما غادي يعقل علي حتى واحد".

وانتقد نعمان لحلو الفنانين المغاربة الذين يحيون بحسب كلامه سهرات لفائدة ضباط عسكريين جزائريين وقال "كاين شي فنانين وفنانات بالخصوص كيمشيو يديرو سهرات خاصة عند جنرالات جزائريين وكيهضرو عليهم خاي...هاد الشي تقال لي في باريس وربما أنتوما ما عارفينوش".