البيضاء: شاب وخطيبته يلاحقان الملك من أجل أخذ صورة معه [فيديو]

وحسب صفحة سفيان البحري على الفايسبوك فإن الشاب الذي يدعى محمد بومهراز، كان مارا بسيارته في شارع 2 مارس رفقة خطيبه، في حدود الساعة الخامسة مساء من يوم الأربعاء، ولاحظ حركة غير عادية لرجال الأمن، فعلم أن الملك محمد السادس سيمر من ذات الشارع.

وقال الشاب لصفحة "الملك محمد السادس" الفايسبوكية، "واحد اللحظة كنشوف من المرايا ديال الطوموبيل كيبانو ليا البوليس كيعطيو التحية صافي بقيت غادي بشويا وشاد ليمن ديالي، حتا تقابل معايا سيدنا شير لينا وبقيت تابعو كنطلبو باش نتصور معاه، وداكشي لي كان، سيدنا و بتواضع ديالو شير ليا بيدو باش نوقف، هو يوقف سيدنا بالطوموبيل جيت أنا قدامو، و نزلت كنجري أنا وخطيبتي لعندو".

وأضاف "مشينا عندو وهو يقول لينا السلام عليكم وقلنا لو عليكم السلام كيدير آ سيدنا لباس عليك ؟ جاوبنا: الحمد لله، قلت لو: عفاك بغينا ناخدو معاك صورة، سيدنا قال لينا: مرحبا و عيّط على الحارس الشخصي ديالو و قالو: آجي الله يخليك صورنا".

وزاد قائلا "صافي صورنا الحارس الخاص وقلت لملكنا شكرا لله يطول لينا ف عمرك و مشا، من موراها جاو عندنا شي حراس خداو من عندنا البطاقات الوطنية و قيدو المعلومات و مشاو".