دنيا باطمة تهاجم ابتسام تسكت: شوشرة المراهقين لا تؤثر على نجاحي

وكتبت خريجة برنامج أراب أيدول دنيا باطمة "شكرا للصحافة المغربية لاهتمامها بأخبار عائلتي، شكرا لك أختي حبيبتي ابتسام على تشجيعك لي يخليك ليلي، وشكرا ماماتي على دعواتك لي ورضاكي علي أنت الأساس في نجاحي الله يحفظك ليا شكرا لجمهوري الرائع بدون استثناء ولي ما بغاكم تعمى عينو".

وأضافت مخاطبة نجمة برنامج المسابقات الغنائي ستار أكاديمي في دورته العاشرة ابتسام تسكت "بالنسبه لبعض المتطفلين بالتويتر بغيت نقول ليكم ريحتكم عطات والشوشره ديال المراهقين مكتأثرش في نجاحاتي، لأن نجاحي طاغي جدا وهذا من فضل ربي وعمر لكتاف ميتقادو مع البراعم، وبالنسبة للجمال ماشي هوا دخل كراج للسباغة المائية وعدسات وزيد وزيد وتقول أنا زوين، الزين زين الفعل والأخلاق والأعمال الطيبة وملي تمشي لشي مهرجان أو قناة تخلي بلاصتك نقيه ماشي كلشي كيجيبو سيرتك ينزلو فيك سبان"، في إشارة منها إلى غضب الاعلاميين المغاربة من تصرفات ابتسام تسكت خلال دورة مهرجان موزازين الأخيرة.

وزادت قائلة "جمال الوجه ليس بمعيار النجاح والثقه لي عارف راسو زوين را يحط تصاورو بدون مكياج وعادي، ماشي يحطها ويتخلع يصبح محيدها، ولي كيقول دنيا بطمة خيبه بغيت نقليه يوريني وجهو البوكوص وإذا أنا خايب يدير ربع لي وصلت ليه الحمد لله بخيوبيتي".

وقالت أيضا "الزين را كيبرك فالدار، وملي كنمشي لمهرجان أو برنامج كنمشي كنجمة وليس كمبتدأة تحتاج للدعم، فيقو من نعاس حيت راكم عايشين الحلم الضائع، وجديدي مزيان واعر دارت ليكم العصب والشقيقه، ولي فقصاتو يتفضل يدير بحالها باش ميبقاش فيه الحال، وشكرا لأحلى فانزاتي الموذبين والمحترمين باقي ليهم بزاف المراحل باش يوصلو لمستواكم الراقي، ولو كان الكلام بفلوس تاواحد ميحل فمو والغيره كتهضر كنحبكم يخليكم ليا".

وخاطبت باطمة جمهورها قائلة "متجاوبو تاحد ولي كيهضر علينا غير فاقسينو وباغي يشهر راسو مسكين على ضهرنا وكل يرى الناس بعين طبعه، خليكم فوق وخليو القاع للقاع، وسكوتنا ليس ضعف وإنما احتراما لفننا ولأنفسنا قبل كل شي أما را كاين ما يتقال القفه عامرا".

ولم تفوت باطمة الفرصة وذكرت تسكت بالوسام الملكي الذي حصلت عليه قبل سنتين، وقالت "لقد قدمت لبلدي ما اعترف به ملكنا الله ينصرو أكثر واحد يعرف ولاد بلادو لحرار، ماشي لي كيمثلو المغرب بالبوط عريان، ومازال العطاء مستمر حتى مماتي لبلدي وشعبنا الرائع ولملكنا الله ينصرو لينا".