السلام عليكم و رحمة الله خوكم مغربي فحالكم قرا جاب ديبلومات ديالو بيخير كلشي مزيان مشيت كنقلب على خدمة العام اللول ماجاب الله والو, العام الثاني جاب الله التيسير فوحد الشركة الحمد لله كبيرة و لكن مدوزة الدكاكة على بنادم قلت ماكاين باس نتا مازال صغير او سيفي خاوي سير لي ليها ليها
كيف قلت لكم مشيت دوزت كلشي مزيان طلع من مدينتك للمدينة لي فيها الخدمة على قبل لوراق لا اليوم المدير ما كاينش لا اليوم الكاتب ديالو خرج بكري ما جمعت لوراق حتى غفر ليا ربي الدنوب او فين صافي بغيت نريكل معاهم قالو الطرونسبور على حسابك واش ا عباد الله 2200 درهم فيها كرا او ماكلة او طرونسبور !!!!! ما كاين باس كاينا دار قريبة ديالنا او خاوية ارا نزير راسي اللهم 20 درهم ديال الطرونسبور في النهار او
بيخير نرجع لدارنا ما نكري عند حد مع العلم انني كنت كنضرب 43 كلم بين البيت او العمل . صافي خوكم خدم شد البوست ديالو الصباح كل يوم فيق فرحان غادي يخدم او ديما صابح مشاد مع وحد الشاف وقيلة كان
كتوحم عليا باقي لحد الساعة ما عرفتش مالو معايا المهم كندوزها بجغمة الما . مشات ليام او جات وحد نهار شدوني في الخدمة قلت ما كاين باس نريح ندير ليهم داكشي لي بغاو مع العلم ان دوك السوايع لي درت فابور ما مخلصش فيهم, شدوني الدنيا ظلامت او الشركة كاين غير فوحد الخلا , ساليت خرجت نقلب على المركوب والو القضية ناشفة . بقيت وحد 30 دقيقة وحد خاينا جا وقف عليا بموس الحمد لله هربت منو ما خديت حتى دقة او ما دا ليا والو الغد ليه كيف العادة الشاف كيغني عند ودني خوكم مصدوم مشيت طلبتهم على المركوب قالوا والو ما نقدروش نركبوك مع ناس لي خدامين قدام صافي رجعت للبوست ديالي الشاف كيغوت هزيت حديدة او تبعتو هادي هي اللي ما ندمتش عليها ههههه او لحت ليهم داكشي لي كيسالوني او زدت فحالي لدارنا
قال لك فرص الشغل كاينا نعم كاينا و لكن الظروف ديال الشغل راها ما كايناش علاش الشاف ما قاريش قدي ؟ علاش ما ناخدش حقي في الطرونسبور ؟ علاش شركة قد الخلا راس مالها الملايير ما قادراش تحط لينا ادوات مناسبة للعمل (نسيت ما كتبتش ليكم بان الماطيريال ديال الخدمة كنا غير كنسلكو بيه ) ؟ في الاخير بغيت نقول vive le maroc malgré malih fchkeeeeeeeeeeeeeel الى الحقلة الجاية إنشاءالله..
chargement...
