بغيت نبدأ و مالقيت أحسن من البسملة و على نبينا سيدنا محمد خير السلام و الصلاة و معاه الصحابة و الأولياء و أنتم يا زينة الرجالة و من بعد.. هذه حكاية واحد بودربالة راسه قاسح،ماوعى لكلام سيادنا اللوالة لي قالوا:الصبر مع القناعة كنز ما يتسالَ و الدنياغدارة اللي تبعها يتلَّى مع التوالة. كلام زين كل حكمة، و معاني ما فيها بسالة رحمة الله عليكم و نجي تريكتكم من البلى آمين أمّا السي بودربالة قاليك هذا كلام من ولى عند راسه فاهم! و هو حولي من الحوالة بدّل بلاده،بلاد البو والميمة و الخالة و ركب سرج الغربة البدالة و تاق باللي راه كبير الخيالة!! ماكانش عارف باللي راه سرّج بغلة بنت حمارة ركّالة و مافهم باللي الغربة غربالة من الرجال خلّات غير النخالة اللي دار راسه فيها ينقبه الدجاج و الجلّالة
يكون فعوان السي بودربالة قهرته الغربة بالبلبالة و تطويرته ما نفعته مع الدجّالة ولّى كِالغْلالة غير مخبي ف النوالة يبكي ويندب على حالَه كيف المرأة الهجالة سلعة أصبح فيد الدلالة و فالسڭيطة صار ذيالة العدو قبل الحبيب يقول شوف اللي سرى لَه هذه هي حكاية المسكين بودربالة
لو كان بالصبر و القناعة عمّر قلبه و بالَه ما يولِّي عند الغريب عبد بالخلخالة بعدمّا كان يكون فبلاده فارس من الخيّالة راه الماء فبلاده يوردوا به البهايم وحتّى الرجالة و يستعملوه فالوضوء للصلاة و إلى سقاوا به الأرض تعطي القمحة و الكبالة أمّا عند الغريب إلى طلع ليه الشأن يكون غسالة و إلى الأرض تسقات بيه تعطي حريڭة فزبالة
نطلبوا من الوحد أحد اللي لا شريك له تكون كل حرف و كلمة خلصة له و نفهموا المعنى و المقصود من حكاية المسكين بودربالة ٱمين
né à casa le 07-02-1977.....y´a t´il des regraga de zawyat sidi hssein?...allahoma la tahrimna sohbata awliyaika salihin amin
chargement...
