انا متزوج من الزوجة الأولى و عندي منها جوج ولاد لكن العيشة حرارت بناتنا، او انا عايش بوحدي في فرنسا، قررت اني نتزوج على سنة الله ورسوله من زوجة تانية لي بدورها فالبلد باش نحصن راسي فبلاد المهجر، لكن عارف تعقيدات ديال فرنسا بخصوص التعدد، داكشي علاش بغيت نسول واش كينا شي طريقة باش نتفادا هاد المشاكل كاملين، او الله يجازيكم بخير
وعليكم السلام اخي الزوجة الاولى ما طلقتيهاش حتى هي في فرنسا وش تفارقتو كل واحد عايش في شقة وش اولادك معها ..كتشوفوهم ..سول شي امام ربما عندو فكرة على التعدد وش مقبول او ماكينش صعوبات او ممنوع في فرنسا وخا انت مسلم وش الامور معقد بزاف ..تزوج اخي من حقك شرعا ..الله يسهل امرك..
السلام عليكم. المرجو لاتبخلو عني بالمعلومات...زوجتي تريد ان تعرف ماهي الوثائق بالضبط التي ستحتاجها في offi لطلب التجمع العائلي هي مقيمة فقط..وشكرا جزيلا
السلام عليكم خويا مفكرتيش فولادك كيفاش غيكبروا بدون أب مفكرتيش بلي ان الاولاد امانة خاصك تحافظ عليها أنا منفرطش فولادي وخا تكون حدايا ملكة جمال النرويج انا لست ضد التعدد فهو من الاسلام لكن متسمحش فولادك وانت تعرف
hicham63....نعمة الفكرة لي قال الاخ باغي يتزوج بثانية ومن حقو شرعا وعندو عذر باغي يحصن راسو خوفا من الفتنة والمعاصي ...بالعكس الله غدي يجزيه كل خير الاولاد ماشي غدي يفرط فيهم اكيد غدي يقوم بالواجب وحتى امهم راه ماشي غدي يطلقها يعني باقي معاهم ..لكن حقو الشرع مع الثانية هذشي ماشي عيب الله يوفقه ويسهل امره ..
شكرا جزيلا الإخوان على الاجوبة ديالكم, كنحاول بما امكن نلقى حل وصطي يرضي الجميع, الله لي عالم بلاحوال. كنتضر الجواب ديالكم على التساؤل ديالي الله يجازيكم عني كل خير.
السلام عليكم الله يشوف من حالك أ خويا خاصك دير حل لراسك في أقرب وقت حتى أنا تانعرف واحد السيد من فرانسا كبير في السن هو مابغاش يجلس في فرنسا ولادو كبرو تزوجو واكن المرا مابغاتش دخل معاه للبلاد مسكين تايجي لهنا غي بوحدو تايبقى فالدار بوحدو انا لي مرة مرة تانطل عليه و دبا قالي خاصني شي مرا نتزوج بها و عندو الصح مسكين خاصو لي يقابلو
Oum mounir راني قلت فالميساج ديالي بلي ان التعدد من الاسلام حاولي تقراي مزيان عاد انتاقدي الله يخليك... من حقو اربع نساء ماشي غي جوج هادي منتناقشوش عليها لكن انا ضد التفريط فالدراري كيفما كانت الاسباب الاولاد كيحتاجوا الاب والام معا والسلام
chargement...
