chargement...
وكتبت زهور باقي على صفحتها في موقع التواصل الاجتماعي "فايسبوك": "أول نتائج فيديو الشيح سار، ومشاركتي في جينيراسيون نيوز... أني اليوم ودابا بالضبط خارجة نقضي شغلي في شارع فال ولد عمير تعرضت لتحرش جنسي لمسي واعتداء جسدي، وتعنيف...".
وأضافت في التدوينة ذاتها "طالعة في الشارع والمجرم هابط شافني وشفتو مزيان وعاقلة عليه مزيان، كملت طريقي وأنا شوية نسمع شي حد كيعيط لي "زهور" درت نشوف ليقت نفس الشخص مع صاحبو عيط ودور وجهو باش يتأكد أني أنا هي " زهور" ... شوية وهو يجي من اللور جمع معايا بضربة حتى قربت نطيح وشدها بجرية على طول الشارع ...".
وزادت قائلة "لحمي باقي حمر من اثار الضربة، وباقي الصوت ديالها كيتسمع، وباقي جوه الناس اللي غادا وجايا وممسوقلي تا واحد في بالي، باقي عاقلة على وجهو مزيان وكان قوليه إذا شافتك راه غادي ندمك على النهار الي خلاقيتي فيه".
وأضافت متحدية الشخص الذي اعتدى عليها "بغيت نقوليه ملي نتا راجل لاش ضربتيني وهربتيني بقا في بلاصتك وتحمل مسؤوليتك، وبغيتي نقوليك أنه ضربني وعاود ضربني وزيد ضربني غادي نعاود نخرج نقضي شغلي في نفس البلاصة، بنفس اللباس، وماغاديش نهرب من الشارع، وماغاديش نخليهليك وماغاديش نتكمش في الدار...".
ونشر الشيخ سار قبل أيام فيديو على قناته في موقع اليوتيوب، يتضمن لقطات لـ"مؤخرات" نساء، يمشين في شوارع العاصمة الرباط، مع تظليل هذا الجزء من أجسادهن، مما أثار ضجة في مواقع التواصل الاجتماعي، وقامت جمعية مهتمة بحقوق النساء، برفع دعوى قضائية ضده، معتبرة الفيديو يمس بكرامة النساء وبحرياتهن الشخصية.
